Produktinformationen "Narodninska torta za Findusa"
Přeco hdyž ma jeho kocor narodniny, napječe jemu stary Pettersson tortu
z plincow. A wón ma často pjec, přetož kocor Findus swjeći trójce wob
lěto narodniny. Jako dyrbi Pettersson jónu z kolesom po muku jěć, dokelž
we wjelbiku žanu wjac namakał njeje, pak so wšitko nimokuli ... Hač
drje Findus přiwšěm swoju lubowanu tortu k narodninam dóstanje?
Anmelden
Ähnliche Titel
Wohnjostroj za lišku • Pettersson a Findus
14,00 €*
Starc Pettersson bydli ze swojim kocorom Findusom na małym dworje blisko lěsa. Stajnje so tam něšto na dworje a kołowokoło njeho stawa, to je wšitkim znate. Što pak činitaj, hdyž so naraz liška wokoło chěžki a kurjenca kradnje a za kokošemi hlada. Ju zatřělić, kaž to susod Gustavsson za prawe ma, to njepřińdźe za Petterssona a Findusa do prašenja. Liška ma so prawje šerić, nastróžić a z dwora wućěrić, zo jej apetit na kokoše na wšě časy zańdźe. Što sej Pettersson a Findus k tomu wumyslitaj, to čitaće w nowej stawizničce.
Za dźěći wot 4 lět
Pettersson stanuje • Pettersson a Findus
14,00 €*
Findus, kocor stareho Petterssona, njeje hišće ženje w stanje přenocował. Jasne, zo dyrbi to skónčnje jónu wuspytać. Tež Pettersson chce něšto wuspytać, mjenujcy wudoprok, kiž bě sam wunamakał. Tuž wonaj wobzamknjetaj, sej zhromadnje do horow wulećeć. Tam móžetaj chwilku pućować, pjerski wudźić a skónčnje stanować. Ale kaž tak často w žiwjenju přindźe wšo cyle hinak. A to jenož tych hłupych kokošow dla, kiž chcedźa tež raz w stanje spać.
Za dźěći wot 4 lět
Findus a hara z honačom • Pettersson a Findus
12,90 €*
Znajeće wy Findusa? To je kocor, kotryž bydli pola starca Petterssona. Findus je wušikny worakawc na wšěch polach a ma swoje krute městno na dworje. Te tež nochce spušćić, jako Pettersson rjaneho dnja noweho wobydlerja – honača – sobu domoj přinjese. Kokoše su na blaku tak zahorjene a zalubowane, zo wšitko stejo a ležo wostanu. Naraz wjerći so wšitko wokoło honača a nichtó nima Findusa wjac zańč. Wšitcy chwala sej honačowe spěwanje, Findusej wot toho „škrěčenja“ skoro wuši wotpadnu. Wot zažneho ranja hač do pózdnjeho wječora to nětk takle dźe. Tuž dyrbi Findus jednać a wumysli sebi lesć. Hač ma z njej wuspěch a hač na dworje zaso měr zaćehnje, to najlěpje sami čitaće.
Wot 4 lětZ pjera znateho šwedskeho awtora Svena Nordqvista powěda so dźěćom w předšulskej starobje zajimawa a lóštna stawiznička znateho kocora Findusa.