Z Lipicy do hole
Što je Chróšćanska baba Hilža Dórnikowa 1793 w Jědlicach činić měła? Kak je tomu dóšło, zo buchu na kwasu kwasarkam židźane banty rozrězane? Što je princesna Mathilda składnostnje wopyta w Njebjelčicach 1899 činiła? Abo kajki běše załoženski swjedźeń Kulowskeho Bratrowstwa? Štóž so za tute a dalše prašenja ze serbskich wjesnych stawiznow zajimuje, njech sej předležacu knihu do rukow wozmje. Historiske wobrazy a pohladnicy z 19. a prěnjeje połojcy 20. lětstotka a přinoški z nowinow a časopisow samsneje doby skića dohlad do žiwjenskich poměrow našich prjedownikow, kiž su dźensa nimale pozabyte.
Zestajerjej staj je za kónčinu, kotraž podsteješe prawnisce klóštrej Marijina hwězda, do spodobneho cyłka zestajiłoj a sposrědkujetaj žiwy zaćišć wo ludowej architekturje, wšědnym dźěle na polu, wurjadnych swjedźenjach a zahubnych podawkach. Při tym měritaj so wot Wotrowa do Kulowa a wot Chrósćic do Njebjelčic pućujo po jednotliwych wsach a čerpajo z bohatych regionalnych stawiznow.
| Sprache | Obersorbisch |
|---|---|
| ISBN | 978-3-7420-2435-0 |
| Seitenzahl | 184 |
| Einband | mnoho wobrazow, kruta wjazba |
| Bibliographie | 2. nakł. 2019, 184 s., mnoho wobrazow, kruta wjazba |
| Veröffentlicht: | 27.08.2019 |
Anmelden