Wušoł je nowy nakład maćeršćiny za 5. lětnik. W předležacej wučbnicy su nětko tež poslednje změny wučbneho plana wobkedźbowane. Tež gramatiski wobłuk je so dokładnje předźěłał a nowej šulskej gramatice „Gramatika – Tabulki a přehlady za wučbu serbšćiny“ přiměrił.
Nimo toho smy na wotpowědnych městnach wupokazali wotkazy na digitalne poskitki kaž na přikład na digitalny wuknjenski portal Krok po kroku. Tutón digitalny wučbny srědk poskićuje šulerjam 5. a 6. lětnika přidatne prawopisne a gramatiske nadawki a zwučowanja na hrajne wašnje a w lóštnej formje. Tež we wobłuku „Dźěło ze słownikom“ su přidatne nadawki sformulowane, zo bychu šulerjo z digitalnym słownikom pod www.soblex.de zwučowali, sej tutón medij spřistupnili a jón jako wšědnu pomoc w mnohich žiwjenskich wobłukach wužiwać wědźeli. Za šulerjow, kotřiž serbšćinu hišće na maćernorěčnym niwowje njewobknježa, smy pola jednotliwych tekstow přełožki mjenje znatych zapřijećow dodali. Do poslednjeho kapitla stej so dodałoj tabulka deklinacije pluraletantumow kaž tež přehlad časowych formow.
Dypkownje k spočatkej noweho šulskeho lěta předleži nowa fibla za šulerjow 1. lětnika. “Naša fibla” je myslena za dźěći rěčneje skupiny 1, kotrež so w serbskej rěči alfabetizuja. Fibla je čitanje wučaca kniha. W fibli zawjedu so pismiki diferencowane z přeco jednej lochkej a jednej ćešej stronu za kóždy pismik. Złóžki słowow so barbne wuzběhnu a rozeznawaja. Na někotrych stronach wobsahuje fibla přidatne zwučowanske poskitki k dźěłu z nazwukowej tabulku. Diferencowane wospjetowanske strony zakónča kóždy fiblowy wotrězk. Po dźělu, w kotrymž so pismiki zawjedu přizamknje so dodatny čitanski dźěl a wobrazowy dźěl ze stawizničkami k rěčenju. Fibla wudospołni so ze zapołoženej nazwukowej tabulku.
Naručna klanka Zala
Wodźaca figura noweje fible je mudra sowa Zala.
Naručnu klanku dóstanjeće za 5,00 € w Rěčnym centrumje WITAJ.
Čitanka orientuje so na wučbnym planje serbšćiny a wěcneje wědy a wudospołnja wučbnicu „Naša maćeršćina 4“ za maćernorěčnych šulerjow a wučbnicu „Moja serbšćina 4“ za šulerjow, kotřiž wuwučuja so po koncepće 2plus. Ze šěrokim wuběrom tekstow wotpowěduje wona rěčnym kmanosćam šulerjow.{STR}
„Naša maćeršćina 2“ je za maćernorěčnych šulerjow. Wučbnica poskićuje wučbnu maćiznu k ertnemu a pisomnemu wužiwanju rěče, k gramatice a prawopisej a wólbnowinowatostnym wobłukam. Wona rozrjaduje so do kapitlow, kotrež su po wotběhu lěta rjadowane a orientuja so po temach wěcneje wučby. Barbne fota a ilustracije słuža k znazornjenju a spřistupnjenju maćizny.{STR}
Čitanka orientuje so na wučbnym planje serbšćiny a wěcneje wědy a wudospołnja wučbnicu „Naša maćeršćina 3“ za maćernorěčnych šulerjow a wučbnicu „Moja serbšćina 3“ za šulerjow, kotřiž wuwučuja so po koncepće 2plus. Ze šěrokim wuběrom tekstow wotpowěduje wona rěčnym kmanosćam šulerjow.{STR}
„Naša maćeršćina 4“ je za maćernorěčnych šulerjow. Wučbnica poskićuje wučbnu maćiznu k ertnemu a pisomnemu wužiwanju rěče, k gramatice a prawopisej a wólbnowinowatostnym wobłukam. Wona rozrjaduje so do kapitlow, kotrež su po wotběhu lěta rjadowane a orientuja so po temach wěcneje wučby. Barbne fota a ilustracije słuža k znazornjenju a spřistupnjenju maćizny.{STR}
„Naša maćeršćina 3“ je za maćernorěčnych šulerjow. Wučbnica poskićuje wučbnu maćiznu k ertnemu a pisomnemu wužiwanju rěče, k gramatice a prawopisej a wólbnowinowatostnym wobłukam. Wona rozrjaduje so do kapitlow, kotrež su po wotběhu lěta rjadowane a orientuja so po temach wěcneje wučby. Barbne fota a ilustracije słuža k znazornjenju a spřistupnjenju maćizny.{STR}
Předležaca nowa maćeršćina je do slědowacych wobłukow rozrjadowana:
Zhromadnje wuknyć • Strowi a čili • Ty a ja • W přirodźe • W swěće fantazije • Tu a druhdźe • Naša zemja • Knihi a nowe medije • Přez lěto
